樂天大喜屋 (已結業)

今晚到旺角食樂天大喜屋食放題，7點幾黎到已經坐滿唒人，未入俾出面啲野食既香味吸引，環境舒適，非常大。刺身方面，同其他放題一樣，有三文魚，帶子，甜蝦同埋泰式生蝦，但最特別既係有長腳蟹，服務員仲好體貼，拎埋剪刀同濕紙巾俾我地。海膽一向是我既最愛，所以一開始就叫左4,5件海膽手卷，海膽份量多而新鮮，飯既份量少，方便大家品嚐多啲唔同野食鰻魚壽司啲燒汁一流，黑松露蝦壽司同埋三文魚腩壽司。炸物方面，我地叫左幾隻芝麻炸雞翼同炸芝士波，無得彈炸天婦羅炸得乾爽，雞軟骨，份量適中又有咬口。甜品方面，有一杯哈根大師簡，我簡左朱古力orea，一流，可惜的是得一杯。飲品方面一定要試下粒粒梨，非常清新和特別。