百樂門宴會廳

今日係老媽子牛一我請飲茶,就咁一班人去咗銅鑼灣百樂門.地方十分寬敞唔會坐到迫迫夾夾又有維景睇,正!
坐落後個個'拿拿淋'落單叫嘢食.唔知係唔係我好少請客佢哋叫到成枱都係......鼓汁蒸魚雲,迷你珍珠雞,豉蒜蒸排骨,香滑流沙包,豉味蒸鳳爪,紅油抄手,蒜茸蝦長春,安蝦咸水角,煎釀虎皮尖椒,紹菜海鮮扎,原蝦燒賣皇,豆沙煎軟餅,雪山叉燒包,薑蔥牛柏葉,瑤柱菜苗餃,水晶蝦餃皇,帶子鳳眼餃,皮蛋瘦肉粥,鮮芒椰汁糕,雷沙湯丸......
8個人叫咗廿幾樣點心埋單六佰幾,好抵食!但啲伙計沖水,落單較慢要有心理準備.

水晶蝦餃皇 皮簿,蝦肉彈牙

薑蔥牛柏葉 爽口味濃

原蝦燒賣皇 鮮蝦大大隻,豬肉餡無肥肉

煎釀虎皮尖椒 治味十足

雪山叉燒包 皮脆叉燒餡夠蜜汁

豉蒜蒸排骨 豬味鮮,肥膏少

紅油抄手 餡料充足,唔太辣

鮮芒椰汁糕 椰香,芒果肉夠多