No Money So Lonely

营业中

休息中

同朋友gathering，又要帶埋小朋友。 想搵間就腳又好坐晚餐廳，小朋友去到都嘩。 餐廳佈置帶心思，十分適合打卡。 我地三個大人，一個小朋友。叫佢一個pizza，一個意粉，小食拼盤同埋一個甜品，兩杯凍latte。$700幾蚊埋單👍🏻冬蔭公大蝦pizza蝦真係好大隻，爽口彈牙。少少辣，好濃嘅冬陰功味，仲有少少薯蓉添。貧窮是寂寞拼盤佢入邊嘅小食都幾特別，有一個係冬陰功嘅飯波波，之後嗰個春卷入邊嘅好似係薯蓉。全部都炸得超級香脆，係有啲熱氣。記得抹嘴呀墨汁卡邦尼配香煎帶子小朋友初頭唔肯食，佢問點解黑色。食咗一啖之後就話要more。意粉煮得好有好感，帶子亦都唔會過熟。窩夫睇個擺盤已經係好打卡able ，佢個窩夫入邊係有啲麻糬。配上上面嘅芝士奶蓋，中和返個甜度。