碗屋 (已結業)

4大2細去食放題晚餐。第一次食係佢未搬之前，今次第二次。由6:30食到10點絕無冷場。魚生新鮮，種類多，應有盡有(對於我而言)。油甘魚一流 👍🏻。熟食比魚生多幾款，材料上乘，對得住佢嘅收費。佢碗湯係極品。我叫嘅時候大家用不屑眼神望住我。我飲完話正大家跟住叫，到最後每人飲左3-4碗。食到7-8成飽先記得佢仲有shabushabu。好保守咁叫咗d蝦，肉同菜。點知個個食到停唔倒手。同伴一人食咗14隻蝦(之前已經嗌飽)，d蝦大隻多膏，肉質一流。Encore 完再encore，眨吓眼last order，甜品d雪糕我一人食咗3碗 (已經120%飽)，再加朱古力糯米糍，可惜心太軟而售罄。跟手同伴話仲想食蝦，伙計話唔好意思頭先已last order咗厨房已收。我地唯有叫多d甜品。點知唔分鐘後伙計上多一大盤蝦同菜。同伴當然非常開心，食完蝦後再清埋後叫嘅甜品。非常滿足👍🏻。唔係所有嘢都好食，但好食嘅絕對滿足倒我地。值得一讚係咁d service。貼心，有禮貌，收碟快。隔離枱一行8-9人，點菜時問侍應今個月生日嘅有冇d咩送。侍應諗都冇諗就笑住話咁我送句生日快樂俾你吖。全場爆笑。上菜時侍應砌靚d魚生插左支蠟