Gram Cafe & Pancakes

营业中

休息中

同朋友食完飯之後，諗住搵個地方坐下。所以就搵到呢一間Cafe。可能因為時間唔算太晏，大概兩點半左右。所以都唔算好多人等位。我哋等咗大概2分鐘就有位可以坐啦。嚟到，我哋就睇吓有咩飲，因為食飽咗啦。點知店員走埋嚟問要唔要個pancake，佢話3:00就出爐。咁我哋就要咗一份，店員仲話我哋好彩呢份係最後一份。我哋叫咗啲咖啡飲，飲品都尚算可以，之後見到個pancake 嚟到，賣相係靚嘅，份量都大嘅，可以分返三個人食。味道方面係鬆軟，可能因為我哋揀咗原味，所以有少少糖漿同埋忌廉，食出嚟嘅味道都算可以嘅。但係呢一間Cafe唔好嘅地方，就係繁忙時間只可以坐60分鐘。我哋坐咗大概一個鐘店員就已經比張單要我哋埋單走啦。呢個可能係美中不足嘅地方。