樂意點心

营业中

休息中

周不時都經過尖沙咀呢間點心店，無時無刻都超多人等位，裡面更加長期滿座。呢到地方不大，但已經有卡位跟方枱，裝修新潮，音樂輕快令人舒服，冷氣都超足夠，現在炎炎夏日好適合，另外店員都好親切。呢到免收服務費，每個人茶錢收$8。點心當然要點經典百醬蒸鳳爪，同帶子菜苗餃。鳳爪腍滑鬆軟超好味，下面更加有茄子好特別！另外個越式米網炸兩腸都比外面食過嘅更加好食，因為裡面有埋蝦，比平常外面的更加名貴，有更豐富嘅口感同味道。最後叫埋個絕配套餐，當中有籠仔豉汁帶子飯同鮮花甲粉絲湯。首先籠仔飯必定好食，好多蒜，加埋帶子鮮味，超級好食。另外個湯好足料，好多好新鮮嘅花甲，個湯清得來都有海鮮鮮味。至於甜品就要左個腰果露湯圓，湯圓超大粒，腰果露又濃又滑，正！