富園冰室

营业中

休息中

香港越來越少好食牛腩，以前細個時周街都好易食到好食的牛腩，但依家即使食到好食的，過一段時間又變得唔好食，相信是餐廳唔肯用靚材料所致。富園最令我欣賞的就是下午茶的金牌牛腩飯，牛腩鬆軟入味，每咬一口均有濃厚的牛味，牛腩汁滲入白飯再加上有兩嚿冧曬的白蘿蔔，簡直滿足味覺之餘，又滿足腦袋興奮，精神為之一振，故此每逢假日均等下午茶去幫襯。雖然服務無咩特別，尤其是收銀嗰個ee，每次比錢都黑晒口面，但唔緊要啦，只要牛腩能夠保持水準就可以了。