大興餐廳 (第尾牛扒) (已結業)

呢個食評想寫好耐~~ 宜家終於因為放假所以的起心肝去寫 之前有個同事去完第尾牛扒食完LUNCH 話好抵食不過我地約左成個幾禮拜先定好個日子!! 問返個同事呢間餐廳D環境同服務點啊同事形容比我聽o既 果然同大家寫o既食評差唔多 XD到我地自己去幫襯o既時候 一入到去野食都未叫 d侍仔已經問你飲咩湯 果然夠有趣啊!! 但係果度d環境真係好暗 宜家望落真係有d殘舊可幸o既係果度並唔算好污糟!一行四人 叫左2個鐵板牛扒餐 1個海鮮炒烏冬同埋 1個粟米焗石班飯最先黎到o既係海鮮炒烏冬海鮮就少左d 不過個烏冬炒得夠乾身 食落去都幾惹味!接住黎o既係鐵板牛扒餐!!話時話 我地落單果時個侍仔都冇問我地跟飯/意粉/薯菜我地個鐵板餐自動波變左跟薯菜 不過薯條唔夠多!! 牛扒幾好，一個餐有兩塊扒黑椒汁好好食 而且個牛扒唔會太肥 冇乜筋 又唔會好"UN"響我同另外2個同事就黎食左一半o既時候我地發現個焗石班飯仲未黎 於是就去催單催左幾次 侍仔有反應比你 但係又好似冇幫你check 緊求其答你話就黎緊 就黎緊到個石班飯黎左o既時候 個賣相真係唔係咁