榕記車仔麵 (已結業)

男朋友住將軍澳，今日放咗工周圍搵嘢食，見到有間車仔麵檔，好似好多明星幫襯過，於是就入去試吓啦。 老闆話呢度啲車仔麵全部都冇味精，好健康！我同男朋友分別叫咗兩個唔同嘅招牌湯底。男朋友叫咗個白果胡椒豬肚湯底嘅面,太吸引啦你都嘅時候我自己都偷食咗一啖。 個湯真係非常之正，同平時媽咪係屋企煲嘅湯入目一樣，完全感受到冇味精得來而且好足料嘅感覺。我自己就叫咗個姫茸蟲草花養生湯，個湯底都係非常值得一讚，非常濃，而且飲完有一種好舒服嘅感覺，真係好有家的感覺。配搭埋車仔麵令到啲面都好入味。呢間餐廳非常推介，價錢非常大眾化，而且都有好多小食選擇，我就叫咗個雞絲粉皮。佢重點係全部都好健康，冇味精！