影片
更多
2024-05-02
113 浏览
今日同朋友去中环做运动同兑换日元，做完之后就去食晚饭，行过巴士站见到个广告，写住锦丽终于返嚟港岛喇，锦丽系越南餐厅，之前我喺东涌行山后食过一次，记得好食好抵食，竟然喺香港岛都有分店，有好嘢食我哋当然有兴趣即刻去食啦。锦丽上环餐厅位于上环干诺道中168-200号顺德中心3楼322-323号舖，港铁上环站D出口，行几分钟就到，十分方便。餐厅个位置非常好，喺出境搭船嘅门口对面，我见好多客人去搭船之前，或者搭完船返嚟之后，都嚟呢度食嘢，餐厅内装修好新净，天花有竹制的灯罩，又有越南的斗笠，亦有越南女人嘅衣着墙画，好有越南特色，地方宽敞光猛整洁，有卡位同梳化位，座位都坐得很舒服，职员服务态度都好，亦用QR code落单方便快捷，来这里食真系唔错。我上次喺东涌食系食午餐，今次嚟上环就系食晚餐，晚餐原来系有晚市套餐，有一人煮意同风味二人套餐，价钱都唔贵，一人煮意可任选越南煮食一款、风味小食一款、风味饮品一杯，而风味二人套餐可任选越南煮食两款、特色小食拼盘、风味饮品两杯，亦都可以追加小食同甜品，我哋一于选二人套餐，越南煮食我就叫咗正宗越南牛骨汤粉嘅火车头河粉，我朋友就拣咗越式蟹肉饼番茄汤檬粉，风味饮品就
今日同朋友去中环做运动同兑换日元，做完之后就去食晚饭，行过巴士站见到个广告，写住锦丽终于返嚟港岛喇，锦丽系越南餐厅，之前我喺东涌行山后食过一次，记得好食好抵食，竟然喺香港岛都有分店，有好嘢食我哋当然有兴趣即刻去食啦。锦丽上环餐厅位于上环干诺道中168-200号顺德中心3楼322-323号舖，港铁上环站D出口，行几分钟就到，十分方便。
餐厅个位置非常好，喺出境搭船嘅门口对面，我见好多客人去搭船之前，或者搭完船返嚟之后，都嚟呢度食嘢，餐厅内装修好新净，天花有竹制的灯罩，又有越南的斗笠，亦有越南女人嘅衣着墙画，好有越南特色，地方宽敞光猛整洁，有卡位同梳化位，座位都坐得很舒服，
职员服务态度都好，亦用QR code落单方便快捷，来这里食真系唔错。
我上次喺东涌食系食午餐，今次嚟上环就系食晚餐，晚餐原来系有晚市套餐，有一人煮意同风味二人套餐，价钱都唔贵，一人煮意可任选越南煮食一款、风味小食一款、风味饮品一杯，而风味二人套餐可任选越南煮食两款、特色小食拼盘、风味饮品两杯，亦都可以追加小食同甜品，我哋一于选二人套餐，越南煮食我就叫咗正宗越南牛骨汤粉嘅火车头河粉，我朋友就拣咗越式蟹肉饼番茄汤檬粉，风味饮品就叫咗椰汁红豆冰同埋椰汁三色冰，亦追加左个小食蔬菜春卷和甜品椰青椰汁糕。
首接下来是主食，是火车头河粉，正宗越南牛骨汤，先饮一啖相当香浓鲜甜，再配上安格斯牛小排、牛筋、扎肉、热牛肉及牛丸，牛小排、熟牛肉好鲜嫩，牛筋大大块好淋滑，牛丸超弹牙多汁，扎肉大大块，有黑胡椒香浓味，令人口感丰富，河粉煮得刚好，不会太淋，好配合个汤，非常好味。越式蟹肉饼番茄汤檬粉，好足料，有豆卜，蟹肉饼，葱同芽菜，蟹肉饼好吃，好有蟹味，檬粉好有粉丝口感，汤底以番茄、蟹肉、蟹膏制成，蕃茄加海鲜味汤底，真令人好开胃。
而特色小食拼盘，里面有金丝网虾春卷、法式蒜蓉牛油鸡翼、香茅猪扒同越式蔗虾，份量十分丰富，成个小食拼盘非常抢眼， 颜色靓味道正。 越式蔗虾肉爽鲜甜弹牙， 有蔗嘅甜味，金丝网虾春卷炸到超脆，虾肉鲜嫩， 蒜蓉牛油鸡翼皮脆肉嫩， 蒜香味浓 ，香茅猪扒大大块，炸得啱啱好，金黄多汁，连同追加小食蔬菜春卷，点埋甜酸辣酱，同埋酸萝卜丝一齐食，令每样小食都食得更出色。
最后梗系要食甜品， 两旧心形嘅椰汁糕 ，清香爽甜 ，尤其是椰青糕多啲，食到椰子肉，淋上椰奶，整体不错不会太甜，椰青好清香，真系好食。饮品嘅椰汁红豆冰同椰汁三色冰都有大大粒红豆，而椰汁三色冰仲有绿豆同绿色的珍多条，十分足料，两杯饮品都饮到好清香嘅椰汁味，令人口感丰富，香甜解渴，好夹食越式嘅食品。
锦丽好值得推荐俾大家，食得好滋味，又好抵食，价钱又唔贵，我哋下次会再来试食其他食品。
张贴
