東京築地拉麵 (已結業)

同男朋友行街, 晚餐想食拉麵, 喺openrice一 search, 就見到呢間築地拉麵好似唔錯。我哋六點十左右去到, 呢個時段未算好多人 ,我就叫咗個雪印牛油叉燒拉麵。一來到見到個拉麵賣相都唔錯, 見到塊牛油 大大塊好厚感就已經覺得好興奮。 之後影下相, 影完相塊牛油基本上已經同個湯融合咗。跟佢嘅食法落咗啲黑胡椒粉同埋白芝麻, 食落真係幾好食。首先個湯底有好濃香嘅牛油味, 本身佢豬骨湯底唔算話係太鹹嗰種, 但係都已經好濃郁。 加埋芝麻同黑胡椒一齊食 , 一啖拉麵一啖湯。 食得好開心。 至於男朋友叫咗個醬油湯底嘅叉燒拉麵, 我試咗一啖個湯, 就覺得都係個牛油雪印豬骨湯底正啲, 唔怕肥嘅話就十級推介。