星怡 (已結業)

今日約咗朋友喺i -square食lunch，發生咗少少笑話，佢講嘅間餐廳係喺尖沙咀國際廣場，我心諗喺邊呢？尖咀我都幾熟吓喎？但......終於大家都明白了，i square 就係國際廣場，哈哈😛，有冇人同我一樣都唔知㗎。“手工炸蝦餅”的蝦肉新鮮彈牙；“馬來參巴烤魔鬼魚“有二大件連骨，係軟骨來㗎，肉質嫩滑多汁，配有大量參巴醬夠晒味道仲有雜菜沙律跟，還有半個青檸，點左够fresh；“馬拉盞炒通菜“ 用馬拉盞來炒通菜，係東南亞特色，鹹香味十足帶有小小辣，好啱我哋食；出於對肉骨茶的喜歡，今次點咗個“馬來西亞藥材肉骨茶配雜錦菇“，呢個係素肉骨茶，比較少見，都非常得，下次一定叫番。