影片
更多
2018-01-11
1408 浏览
之前同同事食過一次利小館覺得又唔係好貴，又幾好食決定搵日晏晝食多次入到去，都坐左幾多人，8成滿雖然多人，但係啲食客講野都唔係好嘈最嘈既係樓面幾個阿姐明明有對講機，但就係要不停大大聲係度叫雖然我明白唔會係酒店咁但至少都唔好好似普通街坊酒樓咁嘈呀如果係客人傾計傾得大聲都冇咩所謂佢地啲侍應阿姐係咁大聲講、叫，唉....講返食物方面兩個人叫左：荷葉飯、xo醬煎蘿蔔糕、鮑汁鳳爪、擂沙湯圓唔好睇佢籠仔細細佢個份量都幾夠！飯既質感濕濕軟軟，不過唔會係爛飯仔咁入面啲餸切粒，都算夠食落味道都幾岩口味，只係略嫌咸左啲啲不過整體都唔錯，同上一次食既一樣鮑汁鳳爪，得5隻（$42）如果可以多多一隻塞滿隻碟，件事會好睇啲同會滿足啲啲汁多返啲啲會更好鳳爪夠稔～同時掌中間最肥美戈度都夠肥美而且唔會太咸～幾好幾好！Xo醬煎蘿蔔糕，個人好中意切到一粒粒正方體好的式～而且一口份量岩岩好XO醬唔算辣（本身我好怕辣），對有啲中意食辣可能會覺得唔掂啦我自己就好中意佢唔係好辣，但又食到啲啲醬味蘿蔔糕自己唔會得一pat粉，都幾夠蘿蔔呢個比平時酒樓就咁煎蘿蔔糕更加好食最後個湯圓，可能我地放涼左少少啦冇上次咁好食，皮唔夠軟糯，個芝麻餡唔
覺得又唔係好貴，又幾好食
決定搵日晏晝食多次
入到去，都坐左幾多人，8成滿
雖然多人，但係啲食客講野都唔係好嘈
最嘈既係樓面幾個阿姐
明明有對講機，但就係要不停大大聲係度叫
雖然我明白唔會係酒店咁
但至少都唔好好似普通街坊酒樓咁嘈呀
如果係客人傾計傾得大聲都冇咩所謂
佢地啲侍應阿姐係咁大聲講、叫，唉....
講返食物方面
兩個人叫左：
荷葉飯、xo醬煎蘿蔔糕、鮑汁鳳爪、擂沙湯圓
唔好睇佢籠仔細細佢個份量都幾夠！
飯既質感濕濕軟軟，不過唔會係爛飯仔咁
入面啲餸切粒，都算夠
食落味道都幾岩口味，只係略嫌咸左啲啲
不過整體都唔錯，同上一次食既一樣
鮑汁鳳爪，得5隻（$42）
如果可以多多一隻塞滿隻碟，件事會好睇啲同會滿足啲
啲汁多返啲啲會更好
鳳爪夠稔～同時掌中間最肥美戈度都夠肥美
而且唔會太咸～幾好幾好！
Xo醬煎蘿蔔糕，個人好中意切到一粒粒正方體
好的式～而且一口份量岩岩好
XO醬唔算辣（本身我好怕辣），對有啲中意食辣可能會覺得唔掂啦
我自己就好中意佢唔係好辣，但又食到啲啲醬味
蘿蔔糕自己唔會得一pat粉，都幾夠蘿蔔
呢個比平時酒樓就咁煎蘿蔔糕更加好食
最後個湯圓，可能我地放涼左少少啦
冇上次咁好食，皮唔夠軟糯，個芝麻餡唔夠爆漿（上次食一咬就流哂芝麻心出黎好好食）
外面甜，裡面甜得黎有少少咸咸地，幾有層次😂
總結：食物質素兩次都算幾保持到（今次叫既上次都有叫）味道岩口味～味道、份量（大部分）、價錢都滿意。另外，呢度冇茶錢，飲水要問佢斟，茶就$6杯（大大個三角茶包），味道ok的，感覺唔洗局比茶錢都唔錯！
唯一就係希望啲樓面侍應阿姐可以靜少少，唔好講野仲大聲過啲客，服務態度可以進步下就好！
张贴
