意粉屋 (已結業)

呢日同個同學黎呢度食下午茶，唔使點睇餐牌都知道食乜。大家都認為酥皮湯餐抵食，爭在三個主菜食邊樣。食完呢個餐都已經好飽，好滿足。酥皮金粟周打湯個酥皮好鬆化，好香牛油味。而個湯就係普通既忌廉湯，而且都幾多料。主要有薯仔、煙肉等既配料。整體上都唔錯，普通既忌廉湯加上酥皮就錦上添花。鮮忌廉烤雞火腿蛋炒飯呢個炒飯又炒得幾爽口，而且料都幾多，感覺係幾煙韌。而個忌廉汁就無乜特別，不過同個飯好夾。而烤雞就有整得過火，左小小。凍咖啡平時飲都覺得好夠咖啡味，唔知點解呢日覺得好酸，而且唔係平時既酸。最後都係飲檸樂算罷。呢個下午茶都算唔錯，可能係新舖關係。裝修都幾靚架，而且坐得又舒服。員工既服務都唔錯，好有禮貌而且成日加水。