一休鐵板燒 (已結業)

肥雞有時夜咗收工，路經旺角都必然經過一間專做外賣嘅鐵板燒舖頭，今次肥雞就試下。雖然佢嘅選擇唔多，但係肥雞就揀咗佢嘅海膽忌廉餅同埋日式鰻魚炒飯。佢嘅咋海膽忌廉餅即叫即炸，食落口啲海膽將爆曬出嚟，鮮甜可口，一啲都唔油膩。 佢嘅日式鰻魚炒飯係即叫即整喺個鐵板上面炒畀你睇， 一啲都唔交行貨。用日本珍珠米同埋鰻魚碎炒成嘅飯，配埋香濃嘅燒汁，用鐵板嘅鑊氣將佢整成一碗香噴噴嘅炒飯，就算拎到返屋企一啲都冇凍，肥雞都幾欣賞佢嘅質素。