無極手工麵.燒烤.私房料理 (已結業)

今日放假去灣仔行下，由於大耐冇食過手工麵，見到有間手工麵餐廳，就試試佢啦，結果果然冇去錯餐廳。餐廳環境非常有風格，唔似一般嘅茶餐廳。一開始叫左個龍小子手工麵，麵質好有口感，湯底好有牛肉味，啲餸好足料，食一碗普通男仔都好夠飽。之後叫左個花膠雞煲仔麵。啲雞汁味入哂落啲麵度，好好食，啲雞好足料。最後叫左個炸雞翼同薯條，中上水平。最後講下依間餐嘅服務。侍應點菜上菜時非常殷勤，不時幫我地倒水同問我地有乜需要，所以服務上我俾滿分！價錢黎講我地兩個人食左大概一千蚊。以咁高質素嘅食物黎講算係物超所值。所以整體黎講我對今餐嘅評分係9分！