丼瀛 (已搬遷) 新店位置

日本菜向來係我嘅至愛，今次就去左呢間係工廈入面嘅日本餐廳，味道相當唔錯!值得推薦。一入到餐廳就聞到淡淡嘅魚味，好似去左日本嘅魚市場咁，令人胃口大開。呢杯青蘋果乳酸，望落綠油油咁，但味道相當唔錯!油甘魚海膽丼份量十足，油甘魚夠新鮮同厚身，而海膽亦都幾鮮甜，至少唔會有怪味。壽司杯亦令我相當驚喜!可以一次過試最唔同款嘅壽司，有甘蝦、三文魚、舌拿魚等，最緊要係款款咁夠新鮮。三文魚刺身亦相當新鮮同厚身。除左魚生外，呢度嘅燒物亦相當吸引。燒蠔夠大隻，芝士味濃，非常好食。炸芝士年糕亦相當唔錯。燒一口牛非常嫩滑，係必點之選。