潮龍清湯腩 (已結業)

(先要同大家抱歉， 食到一半先記得影相)我係一個好鍾意食牛腩嘅人， 但係住咗元朗咁耐都未食過呢一間， 我記得有朋友介紹過話好好食， 所以有一日晏晝就去咗試下。首先我嗌咗一個牛肚牛腩麵， 跟住我媽咪嗌咗個 崩沙腩撈麵。 崩沙腩即係牛嘅橫隔膜附近嘅肉， 分量好少而且口感特別好。 首先啲牛嘅味道非常之入味， 好淋好有口感一啲都唔硬， 最難得係啲湯底唔會好重味精， 唔會好鹹， 好難得。 即使唔係崩沙腩， 而係我嗌嘅普通牛腩， 水準都非常唔錯。重點係價錢非常相宜！！！！！