Take Eat Easy (已結業)

可以好方便咁喺WhatsApp或者signal叫外賣。店員有耐性同禮貌。回覆亦都好快。仲會提點幾時可以攞外賣。佢哋有個疫情套餐， $50煮食加湯同汽水。份量唔會細咗。非常抵食。套餐叫咗個炸雞漢堡同埋辣雞汁墨西哥卷。炸雞漢堡快雞扒大過個包好多。就算擺耐咗都仲係超級脆裏面啲肉仲係好多汁。辣汁雞肉卷，啖啖肉，雞肉軟滑多汁，非常好味。牛肉醬墨西哥卷雖然冇得叫套餐比較上貴啲，但絕對值得。因為實在太好味啦。所有主食配有沙拉。唔係一啲普通生菜沙律，而係新鮮嘅雜菜沙律。可以解油膩。配搭得非常好。就算係外賣，賣相都非常靚。如果唔係套餐嘅話，加$10有薯條同汽水。薯條略為細。可能用個細啲嘅盒感覺會好啲。一定會再幫襯。唔幫襯好似對唔住自己咁。