T.Co (加拿分道)

营业中

休息中

前排一直見到人食呢個土耳其烤卷，搞到我忍唔住都一齊去叫返一份，而且佢就位於尖沙咀，行完街買返過嚟食，就最啱啦。我將佢雞肉卷同牛肉卷各叫咗一份，個人覺得牛肉卷就更加Juicy，有小小辣味，然後仲會有好多蔬菜，營養均衡得來又好食我另外仲叫咗一份滋味牛肉飯，佢哋嘅飯係黃色嘅，真係好特別。上面仲留咗一啲類似乳酪嘅醬汁，非常之有土耳其風味，仲會有唔少青瓜同蔬菜，再加埋好多嘅牛肉，真係好豐富。佢哋嘅咖啡都唔錯，我就叫咗兩杯凍拿鐵，微糖嘅話味道就啱啱好。