Smiley

营业中

休息中

農曆新年仲未完全過去，趁有假期入去大澳行個大運～路經小巷入面一間簡潔開揚裝橫嘅小店cafe，主打handmade cheesecake 同一啲輕食，喺大澳嚟講都唔太多呢類型嘅小店，決定入去試吓先～呢日我哋試咗豆腐cheesecake，味道好清新，一啲都唔膩，餅底亦好鬆化，唔會好死實。另外，我哋都叫咗個牛肉漢堡，即叫即煎，喺咁凍嘅天氣下可以食到一個熱呼呼嘅漢堡，簡直係完美滋味飲品唔係太多，只有數款嘅梳打或熱飲，我哋叫咗一杯提子梳打同埋柚子梳打，味道都係正常發揮～小店仲有其他輕食㗎如果北上或者外遊其他地方去得太悶，偶爾留港，去下不同嘅離島，發掘每一個島嶼上別緻嘅小店，其實都可以好chill可以好好幫自己充下電。