皓景 (已結業)

今日去咗土瓜灣依間餐廳食飯，真係食到好滿足呀！佢哋嘅椒鹽一字骨 ($88) 好好味，啲骨頭好容易啃，肉質又好嫩滑，而且椒鹽味道剛剛好，唔會太鹹或者太淡。我仲特別鍾意佢哋嘅芥末牛柳粒 ($96)，牛肉好嫩好滑，仲有啲三色椒喺隔離同埋洋蔥，再配搭埋芥末一齊食，都幾有驚喜仲有一個不得不說嘅係佢海鮮翠塘豆腐 ($88)。啲豆腐嫩滑，配埋啲新鮮嘅海鮮，真係好好味！佢哋嘅翠塘醬汁夠香夠味，令味道更加豐富，真係好正呀！ 呢間餐廳嘅食物質素高，價錢又平易近人，同朋友食飯嘅話，不妨可以試吓呢一間。