Craft burger restaurant & bar (已結業)

收工嚟到旺角行街未夠六點晚飯時間，但有少少肚餓喎於是乎就搵咗呢間睇落幾好食嘅漢堡包舖頭入去啦。喺舖頭外面見佢入邊裝修都幾的骰，同埋唔係好多客人唔使等位，可能因為未夠鐘啦坐低睇佢Menu見到好多嘢都想食，最後揀咗澳洲牛肉漢堡同埋川椒牛肉漢堡另外加咗小食芝士煙肉薯波同埋芥茉炸雞。佢兩款漢堡都做得十分之好食，個川椒漢堡雖然食落有少少好似中式嘅辣味咁但係其實都幾match喎。澳洲牛肉漢堡就真係要讚吓啦佢超足料睇相已經見到有洋蔥la蛋煙肉蕃茄菜，牛肉漢堡，同埋佢有個紅菜頭，味道做得十分之平衡👍👍👍小食個炸雞就一般般啦而薯波就都幾特別嘅入邊有好濃郁嘅芝士。呢間值得encore 㗎!P.s. 去食嘅朋友記得要帶現金啊喺門口冇留意佢貼咗只收現金嘅牌🥲埋單： $25x好食指數： ⭐️⭐️⭐️⭐️⭐️性價比：⭐️⭐️⭐️⭐️⭐️