金玉滿堂

营业中

休息中

好耐冇食過粵菜或者各種港式小炒啦。所以今次嚟左旺角依一間金玉滿堂，食下佢嘅餐點。首先一入座即刻叫咗一個半隻嘅花膠麻辣雞煲，非常之唔錯。而且雞煲入邊亦都會有菇類，洋蔥同埋蒜頭等等，令到個雞煲更加香。然後我仲叫咗個辣妹子炒蜆，呢一個就相對比較辣，但係非常之香，令人食完一啖又一啖。仲有我叫咗一個上湯鮮菌白菜仔，上湯非常之清甜，而且菇同埋白菜都煮得好軟腍，好入味。我最後仲叫咗一枝烏龍茶同埋一罐汽水。環境相當之貼地，而服務員亦都好好傾，以大排檔嘅角度嚟諗，都頗為不錯。