串后 (已結業)

平時收工夜麻麻都會落西環飲杯嘢食啲嘢，但抗疫期間乜bar restaurant都收晒門，咁啱見到有間鋪開到咁夜，就膽粗粗入去填肚點知就好有驚喜。所有串燒唔似平時啲舖頭剩係得七味粉味，同埋佢啲串燒唔會好乾，咁有啲似中環好出名嗰間但乾少少。味道就好野味。當中當中個人認為鴨舌同扇貝最為出色，鴨舌燒得多汁鮮嫩，扇貝大過手掌，新鮮冇沙仲燒得岩岩好，應該係老闆娘日日新鮮入貨。仲有好多其他海鮮不能盡錄，如果有其他海鮮想食，仲可以提前講俾老闆娘聽訂定👍🏻至於價錢我覺得咁嘅質素真係物超所值，雖然海鮮係貴少少但係質素搭救。環境來講都係一般小店格局，可能抗疫期間，擺位同空間都唔會迫，張枱都夠大。另外服務態度更加係一流，老闆娘和藹可親，會問你道O唔OK夠唔夠辣，有得揀辣度之餘如果真係唔夠辣，仲話有指天椒可以俾我哋😂😱第一次去我哋兩個人食，食左好好好食野，埋單本身450，點知老闆娘話齊頭收400算叫我地多啲幫襯。第二次去，老闆娘見我食物食到出晒汗，仲私人醒左個糖水俾我，雖然糖水係送但一啲都唔媽夫👍🏻👍🏻👍🏻推薦👍🏻👍🏻👍🏻👍🏻