豪隍點心工房 (已搬遷) 新店位置

之前同事話呢間點心好好食，一直都想試下。上網見到要排長龍，等好耐的。不過有得電話落單落好單，話等廿分鐘就有，幾好。燒賣＄25有兩粒，大大粒，有兩粒大蝦的，無乜肥肉，好食。山竹牛肉＄23有三件，又係大大件，味道正常好味。四寶雞札＄30兩件，芋頭夠淋，舊雞無乜肥膏，都唔錯。流沙奶皇包＄25三個， 真係會爆餡的大件夾抵食，味道又好，見堂食都好多人。等疫情好d，會堂食試下煎炸的點心。