三點三冰室

营业中

休息中

今日同一班同事夜晚開完會之後想快快脆脆搵間餐廳食完晚餐先返屋企，就決定落樓下食。呢間裝修都好靚，上菜速度亦都好快，員工亦都好有禮貌，我哋今日叫咗幾樣嘢都好好食。海南雞飯油飯好香，雞都好滑，大推介！菠菜吞拿魚焗通粉好快就上枱，醬汁夠creamy，份量亦都相當大，啱晒我哋啲男同事。鮑魚蛋白素炒飯睇個樣已經覺得好好食，上面有一舊鮑魚，睇落去勁昂貴。我哋另外都叫咗兩款小食一齊分享：鹽酥花枝丸同妙齡乳鴿。乳鴿調味剛剛好，皮脆肉嫩花枝丸個口感都好好食，勁彈牙。