西門町台灣麵食 (已結業)

買完bb野就嚟到mk食飯，揀左已經好多年嘅西門町食台菜！入面裝修好古早味，但係都光鮮乾淨嘅😎店長介紹食2人餐所以就嗌左啦！先上左個怪味雞😆看似辣辣地但其實唔會而且有d蒜香同酸味，非常開胃！雞件都幾多而且好滑💪🏻之後係五味山珍😜涼菜嚟嘅，有爽口大菜絲、木耳絲等，食落消暑去膩，仲帶麻油香添😙仲有個腐皮蚵卷💝煎得脆口唔會好油，入面蚵仔幾鮮，食落外脆內軟幾正🥳主食要左擔仔麵同肉躁飯！食落都係偏甜，份量剛好🥰飲品叫左熱芝麻薑奶同凍百香果雪香💪🏻 芝麻好香，飲完好飽☺️☺️百香果甜度適中，係解渴的🥳甜品係雷沙湯丸，芝麻爆出正呀😙😙