小金井日本料理 (已結業)

見其他食家講到呢度咁掂,所以今日入開將軍澳就o黎試下.我地叫左鹽燒鯖魚便當,天婦羅便當,同埋牛肉定食.牛肉定食好大,重有漬物,前菜,味噌湯同一大碗飯,一個好大食o既人都肯定夠飽,不過肥牛就真係肥左d;鹽燒鯖魚就新鮮燒好,外皮脆脆地不太鹹;天婦羅亦係新鮮炸好,有蝦,番薯,茄子同芋頭,味道好正.便當都有前菜,味噌湯同飯,另外重有三文魚刺身.全部o野用料都好鮮同好好味,又食得好飽,一個字:"正".下次入開將軍澳一定會再o黎幫襯!