達順辣蟹火鍋 (已易手) 新餐厅

呢度比我嘅感覺係一間好傳統嘅酒樓火鍋，冇咩好特別嘅嘢食，但每樣都質素唔錯！值得一試嘅餐廳。我哋要咗一個鴛鴦鍋底，一邊係沙嗲，另一邊係芫茜清湯。湯底比想像中清甜，應該落咗小小雞湯。呢碟美國肥牛售價只係$78！而家響出邊打邊爐閒閒哋都2-300一碟，所以我覺得呢一度真係好抵！份量都唔算少，而且肉味都唔錯！性價比好高！另外叫咗一碟豬人，唔太沙，幾爽幾好食！脆脆地。新鮮！蜆大大粒！好鮮甜！竹笙好爽，吸左湯底嘅精華唔錯。另外叫咗一碟花膠，滑嘟嘟，感覺滋潤好味！菜正常無咩特別。鯇魚片算爽脆，甜，有小小骨。