泰好味海南雞餐廳 (已結業)

我同朋友一行5人7點30分去到,,,幾乎滿座, 只有一張4人枱, 唯有加一張櫈坐住先, 一名後生女侍應答應如有位會比我地轉位. 咁我地就諗食咩先, 最後叫左半隻海南雞(好似係$75), 一碟馬拉盞炒通菜($40幾). 一碟肉碎茄子(好似係$30幾). 一碟豬頸肉($38), 3碗白飯($9碗), 2碗油飯($10碗),最先上既係炒通菜, 好夠鑊氣,.又夠味, 正,跟住係肉碎茄子, 又係一樣好夠味, 茄子夠稔...之後上豬頸肉, 呢味係大家都激讚好食. 好啦, 終於上飯啦...個油飯幾好食, 有d薑味, 但又唔會太重口味, 雞最後先上, 但分量比想像中少, 但都夠食既...無骨真係好, 唔洗煩, 而且d肉都幾滑.由於今日係慶祝我生日, 所以我地係度食埋預先買黎既蛋糕, 侍應一見度我地拎個蛋糕出黎, 就好醒目咁比左d碟同叉我地, 重幫我地清潔好個枱面,,服務一流!!!食埋個蛋糕之後就埋單, 總共$238, 每個人都係$47.6,,,抵呀雖然舖仔細細, 不過都應該幾多人鐘意食, 因為我地食緊既期間, 門外有好多人呀...好在我地算早到, 如果唔係就冇位啦...