校長燒肉日韓料理 (已搬遷) 新店位置

一般韓燒係直接係鐵板上燒，而校長燒肉可以放燒烤紙尼燒，加$6就可以任換燒烤紙。第一次咁樣燒野食，感覺保留到更多肉汁，唔易乾亦都唔易燶！小左浪費食物既情況之餘油煙都無咁勁！同朋友兩人全程亦只係換過一次燒烤紙。食物種類算多，而且肉類醃得入味，唔似得以往韓燒乜味都無，要點好多調味。牛扒同羊架都不錯，但個人比較推介豬肉同雞肉，十分juicy。大愛豬頸肉同豬扒！！擺放肉類既中間位有個三層鐵架，低層既牛肉燒完好硬偏鞋，上層菠蘿亦都有d酸，唯一失色既地方。不過粟米粒同雜菇都好食，啖啖蒜香牛油味，推介推介！帶子燒完一啲都唔硬而且鮮味。魚腐好惹味，中間有芝士夾心！燒芝士丸同廚師腸都係我既至愛之一。即食食物有多款選擇，炸物、小菜、沙律、壽司都有。壽司方面基本上款款都好食，特愛饅魚芝士卷！刺生方面剩係嗌左三文魚，好厚好新鮮！生蠔同松葉蟹段加$78可以任食。生蠔大隻又肥美，有半隻手掌咁大！松葉蟹腳雖然不是十分鮮甜，但啖啖肉，算非常抵食。晚市$188一位任食，價錢同食物味道各方面性價比高，值得一試。好可惜係最後太飽唔記得左食甜品雪糕就走左了。