牛繁 (MW Plaza) (已結業)

海之戀個商場而家多咗好多新嘅食肆，今日經過想食燒肉。見到有午餐相當抵食！入到去座位坐得都非常之舒服😍叫咗兩個午餐，午餐包湯前菜沙律及白飯。湯係牛骨蛋花湯，幾香牛骨味，仲有啲蛋花點綴，味道相當唔錯。元氣牛小排$158午餐有5塊，而且肉都有啲厚度，牛味幾香肉質夠結實。蔥燒薄切牛舌$108我個人就好鍾意食牛舌。呢一個相當抵、午餐有超級多塊，薄切而且加埋蔥夠香又爽口。飲品加$10叫咗蜜桃乳酸梳打及巨峰提子乳酸梳打。