Ebeneezer's Kebabs & Pizzeria (荷李活道)

营业中

休息中

自從大學畢業之後都好少食呢一間餐廳，今日見佢人少少就入去懷緬一下當年嘅味道。依度環境暗暗地，但係冇一種好污糟嘅感覺。侍應係講英文嘅，但係喺中環就預咗啦。我叫嘅係烤雞沙律，因為個人認為吼雞好食過佢啲串燒雞。肉汁比較多。又有足夠嘅油香。叫咗大約五至10分鐘就上咗菜。一直落後，果然係連鎖店，味道同當年一模一樣。啲雞肉好香，味道方面係一種好清真嘅感覺。雞肉本身都非常有口感，有烤肉嘅感覺同時啲邊位脆脆地。好好食。而底下嘅沙律菜味道方面就冇乜特別，但係份量都幾大。一個男人都可以食得飽。唯一美中不足嘅係佢嘅嘢飲選擇唔多都係得可樂嗰啲。咁我就唯有揀咗支裝水嚟飲。如果可以有其他飲品揀就好啦。總括而言未食過清真餐吵到嘅朋友，不妨可以一試。應該會有一個幾好嘅感受。