Pancake 專門紗織 (已結業)

難得放假約朋友去左銅鑼灣行街，再試間最近發現既日本餐廳，位於銅鑼灣百德新街。到左餐廳留意到裝修非常日式，成個環境都好闊落舒適，連擺設同裝飾都好有心思，好特別。餐牌上既甜品都有好多唔同味道選擇，員工好親切地介紹，最後我地點左濃厚朱古力班戟同焦糖香蕉班戟，兩種口味一齊分享。班戟既賣相好靚呀！有滿滿既忌廉同水果同大大球雪糕。濃厚朱古力班戟食落好香濃朱古力味，甜中帶苦，再配上甜甜既忌廉同雲尼拿雪糕，成個配搭好好食。焦糖香蕉班戟好香，班戟好香濃雞蛋味，香蕉都好甜，加上焦糖好好食！