茶園

营业中

休息中

多倫多的姐姐返咗嚟，我哋四姊妹難得一敍，所以一早巳經book嚟呢度食，貪呢度環境好，咁我哋就可以慢慢傾啦。環境很好，樓底很高，我哋坐在落地窗旁，仲有啲海景添。凍海鮮有龍蝦，蟹，花甲，翡翠螺和蝦。龍蝦有鮮甜味，但膏不多，蟹就冇乜味，翡翠螺和花甲也很新鮮，味道不錯。鵝肝醬很好味，很香呢！配上脆脆餅很不錯。咖哩也有幾欵，可配飯或脆米，味道幾好，我喜歡咖哩魚，好味道。冬蔭公湯亦不錯。煎鵝肝也十分香，好好味，我仲encore咗一次。牛肉亦不錯，有牛味又唔韌。酒煮青口有很香酒味，又有鮮甜味。未食甜品巳經飽飽哋，但又唔可以唔食甜品喎，傾吓計，飲杯茶，休息一陣先。終於有位食甜品啦，栗子撻幾好味，栗子味濃，咖啡cream brûlée 亦香滑，朱古力蛋糕也很不錯，朱古力味香濃。waffle 亦是很香脆。Citibank白金片有三送一優惠。折完$450左右，雖然選擇不多，但食物質素好，環境和服務也好，係女仕食吓傾吓嘅好地方。