影片
更多
2012-12-10
96 浏览
一早约好同阿E庆祝生日...佢o地一家四口一向钟情日本o嘢...而大喜屋佢o地己经食过好多次但又好钟意去...今次都唔例外...同样去返大喜屋...因为佢o地有经验...book六点...所以唔驶等位...我o地凑住两个细路...一个两岁半一个几个月大...坐位虽然有少少迫...但有个U型sofa位己经算好好...我o地一到果时...己经有个短头发瘦瘦o地o既女人(唔知系咪经理)走埋o黎话小朋友要计钱...其实我E食过好多次...亦都带过我大囡一齐食过一次...所以己经有哂心理准备要计埋佢果份...一问之下...原来够80cm高就要比小童费用,系成人o既2/3左右,其实好唔抵,一个两岁半o既小朋友食熟食食得几多吖!!!我觉得哩个小童收费标准应该个高度要调高返啲啰...我去五星级酒店食自助餐...都系三岁先计小童费咋...虽然出入比较麻烦...但我o地都好合作即刻走返出去度高...好明显...系高过80cm啲啦...好啦~到人齐...果个短发女人又走埋o黎问我o地要唔要摆位比我个囡...之前我o地问收费果时...己经觉得佢啲态度唔系太好...我明白每间公司有自己o既规距...只不过...
今次都唔例外...同样去返大喜屋...
因为佢o地有经验...book六点...所以唔驶等位...
我o地凑住两个细路...一个两岁半一个几个月大...坐位虽然有少少迫...但有个U型sofa位己经算好好...
我o地一到果时...己经有个短头发瘦瘦o地o既女人(唔知系咪经理)走埋o黎话小朋友要计钱...
其实我E食过好多次...亦都带过我大囡一齐食过一次...所以己经有哂心理准备要计埋佢果份...
一问之下...原来够80cm高就要比小童费用,系成人o既2/3左右,其实好唔抵,一个两岁半o既小朋友食熟食食得几多吖!!!
我觉得哩个小童收费标准应该个高度要调高返啲啰...我去五星级酒店食自助餐...都系三岁先计小童费咋...
虽然出入比较麻烦...但我o地都好合作即刻走返出去度高...好明显...系高过80cm啲啦...
好啦~到人齐...果个短发女人又走埋o黎问我o地要唔要摆位比我个囡...
之前我o地问收费果时...己经觉得佢啲态度唔系太好...
我明白每间公司有自己o既规距...只不过...你态度好啲...人o地比钱比得开心啲之嘛...
如果唔系我E生日又晌食店度...我真系好想讲"咁你收我钱仲问我摆唔摆位?"
我E己经忍唔住话...咁你话就算食一啖都要比钱...咁梗系要摆位啦吓嘛...
希望如果哩间店o既高层睇到...就要train吓员工...唔好搞到啲客食都食得唔开心...
入正题...
我o地真系叫o左好多嘢食...
我本身唔食鱼生o既...但其他人食...我见到鱼生上枱全部都好新鲜...又摆得好靓...(如果唔系我E一家都唔会成日o黎食)...
我一向钟意食蟹籽沙律,不过哩度就好一般...无乜特别...但个海折沙律好正...海折配上日式醋同菜o既沙律...好开胃...
另外仲有好似白云凤爪...都好佷...够入味...
牛柳粒大家都话好食...好香...好淋唔会un...仲有羊架...一啲都唔so...好野味...连我一向唔多食羊o既都食咗两旧...
蟹粥...我初初谂住应该唔系无乜味就系好淡...完全无期望...点知有惊喜㖞...佢放o左啲粟米落去...啖粥带点粟米同清清o既蟹o既鲜甜味...而且好绵...唔错呀...
冻稻庭鸟冬又系好正...最主要系乌冬真系好味道...烟烟unun...唔系度度食到哩种乌冬...而且...除o左冻乌冬汤够清甜之外...有紫菜丝同埋天妇萝果啲炸粉o既碎脆脆地咁...食落有唔同口感...好好味...
我个囡最钟意食鸡翼...佢啲烧鸡亦系将两旧骨开o左佢变成一块鸡翼...食得好方便...味道刚好...唔会过咸...
肥牛锅...我无食...只试咗一条粉丝...可能我未良过正宗...我觉得汤底好甜...好甜鼓油feel...但我表姐话佢哩度唔似得出面食果啲得阵甜味...似佢晌日本食过o既咁...
日本芝士年糕不得不试...外脆内软热辣辣...好正...仲有个炸墨鱼饼...绝对唔系行货...似系自己手打o既墨鱼胶...好味~
仲有炒杂菜啦...牛油粟米...天妇萝...
生日有奉送甜品...同其他客人讲o既一样...有支好似烟花咁o既嘢...都几特别...
不过成个甜品都真系几甜吓...对于我哩啲唔太好甜品o既...其实生日果个有discount会实际啲...
总体o黎讲...哩度啲嘢真系几好食...选择又多...不过真系坐得迫火少...
好似我哩啲凑住小朋友o既...就食得唔系好舒服...
刚好近排我老公同朋友都喜欢去食哩类日式放题(同样TST区)...
我老公同朋友食开果间晌宝X巷果边...比哩度平三/四十左右...但清酒任饮...食物种类无哩度咁多...亦无咁好食...
讲真...差三/四十我真系宁可食间好食o既...但我老公就话哩度系衰服务态度啰...
查实除咗个短发女人之外...其他待应o既服务都系唔错...换碟放食物都会睇住我两个小朋友避免整亲佢o地...而且亦好有礼貎...
张贴