哥哥添飯•妹妹泡茶 (已結業)

今日同朋友去左觀塘食台灣菜，餐廳環境都幾大，同朋友邊食飯邊傾偈都坐左好耐。紅燒牛肉湯麵套餐，配滷肉青菜，成個套餐仲有配菜3碟，椒鹽爆溪蝦，漬物拼盤，仲有甜品。呢個價錢相當抵食，紅燒牛肉好入味，肉質軟熟，麵條掛上濃濃既湯仲有糖心蛋，好滋味。椒鹽雞腿排拼魯肉飯，配杞子燙青菜，雞腿炸得鬆脆，外皮脆卜卜唔油膩，咬落淡淡肉，魯肉入味好夠咸香。水蜜桃果粒愛玉，愛玉質地滑溜，有淡淡花香味，味道唔太甜。黑糖珍珠厚奶茶，奶茶香滑有茶香味，有好多珍珠夠哂煙韌，甜度適中。超司肉鬆蛋餅，芝士味好濃郁，面層灑上黑芝麻提味，肉鬆份量好多，蛋味香濃好有台式風味。混一式綜合手工芋圓 ，成個甜品材料有芋圓、地瓜圓、熟薯圓、愛玉、珍珠、紅豆、綠豆、蘆薈、黑糖椰汁。超豐富，椰汁味好香甜，芋圓好q彈，蘆薈又滑又清甜，整體仲有好濃厚既紅豆味，真係令人食指大動。