影片
更多
2020-05-26
2756 浏览
又係要消耗海港城coupon時間，見好多人都話J.S. Foodies好味，而且個Dining list又有，咁就去試下啦。其實一早做晒功課都預左要排隧嫁啦。因為我去嘅時間係平日1點半左右，我見前面都唔算多人應該排唔係好耐ja 。果然，我真係太天真了，舖頭其實唔大，再加上政府嘅限聚令下，唔可以搭檯，座位少上在少，所以由午餐等到無lunch set食了。好啦，等左一個小時終於入座，係等候嘅期間，女侍應會派餐牌俾我地睇，咁準備入座時會問我地駛唔駛落單先，同埋係咪一次過上晒d食物，你知啦，梳乎厘班戟要花時間整，所以預早問都非常合理。又因為唔可以搭檯關係，咁岩又有一張6人檯離開，所以我同老公2個就坐晒依張檯，我都覺得有點過份（我地冇要求坐咩檯，只想快點入座就ok，海景唔海景已經唔重要）咁當然依張6人檯又大，又唔駛等候嘅人眼望望，又望到少少窗我都好滿意嘅。因為入座已經過左午餐時候，所以冇得叫Lunch Set，只可以散叫。就叫左原味班戟$99，等左10分鐘左右就有得食啦。雖然佢叫班戟，但我覺得佢係梳乎厘口感，即係食空氣咁，不過係好食嘅，反而我最欣賞係佢嘅cream，食到尾都冇出水，又幼滑，又唔太
果然，我真係太天真了，舖頭其實唔大，再加上政府嘅限聚令下，唔可以搭檯，座位少上在少，所以由午餐等到無lunch set食了。
好啦，等左一個小時終於入座，係等候嘅期間，女侍應會派餐牌俾我地睇，咁準備入座時會問我地駛唔駛落單先，同埋係咪一次過上晒d食物，你知啦，梳乎厘班戟要花時間整，所以預早問都非常合理。
又因為唔可以搭檯關係，咁岩又有一張6人檯離開，所以我同老公2個就坐晒依張檯，我都覺得有點過份（我地冇要求坐咩檯，只想快點入座就ok，海景唔海景已經唔重要）咁當然依張6人檯又大，又唔駛等候嘅人眼望望，又望到少少窗我都好滿意嘅。
因為入座已經過左午餐時候，所以冇得叫Lunch Set，只可以散叫。就叫左原味班戟$99，等左10分鐘左右就有得食啦。
雖然佢叫班戟，但我覺得佢係梳乎厘口感，即係食空氣咁，不過係好食嘅，反而我最欣賞係佢嘅cream，食到尾都冇出水，又幼滑，又唔太甜。提提大家依個班戟真係要快食，因為好快會塌左落去。
黑松露忌廉意粉$119
比起意粉，我覺得似天使麵多D，黑松露味唔會太搶，而且忌廉連埋意粉一齊食好creamy，不過最令我覺得正嘅係佢嘅蘑菇，非常煙韌 。
芝士漢堡$109
預先問定我地駛唔駛切一半，非常貼心。
不過比起其他食物，個burger會普通左d 。
芒果沙冰$45
上面嘅cream好厚實，下面嘅芒果沙冰好fresh，唔似化學成份，係真係用芒果黎整。
加埋一食左$409 ，因為用海港城dining coupon，所以可以減$150 （加一前個數嘅計，滿$100可用$50），依餐食左$259，原價的話真係有點貴，我都係會襯有折或有現金卷先會去食。
张贴
