鼎王麻辣鍋 (金巴利道)

营业中

休息中

一向唔食得辣嘅我同好食得辣嘅朋友嗌咗个鸳鸯锅，汤底系酸菜白肉同埋麻辣火锅。汤入面嘅酸菜白肉，鸭血同卤豆腐都系加汤时可以refill的，超抵！个麻辣锅其实系麻而不辣，对于唔食得辣嘅朋友嚟讲系恩赐，可以挑战吓。而酸菜白肉嘅酸味亦令人胃口大开。第一次嚟唔知道原来佢啲肉类每份都咁多份量，于是嗌咗两碟牛，一碟猪同试吓一碟羊。丸类同饺类我哋都系嗌晒综合个类。综合丸共有8粒(芝士丸、手工虾丸、手工花枝丸同贡丸每款两粒);而综合饺就系蛋饺同鱼皮饺各6只。之后我哋仲嗌咗响铃同高丽菜(因为太迟先去食，娃娃食卖晒，想去食娃娃菜嘅朋友可能要早啲去食)。佢啲肉类同饺类完全冇得顶，全部都好新鲜，果然系一分钱一分货！打边炉怕热气或者口渴都可以嗌嘢饮，我哋试咗个到嘅菊花露，超fresh，清热气一流。