4號烤吧 (已結業)

朋友作為Kong U嘅校友，經常推介一啲喺港島嘅美食俾我，今次佢就介紹咗呢間位於堅尼地城嘅雞煲烤魚專門店！呢間餐廳嘅位置喺地鐵站附近，行出嚟都係幾分鐘就到，好方便同易搵！店員介紹咗呢個雞豐盛套餐俾我哋 （$368）❤️麻辣肥腸雞煲 （小辣）呢個雞煲同平時嘅雞煲味道有分別，花椒味比較重，肥腸同埋半隻雞既雞件嘅份量都好多，肥腸簡直係食極都有，另外雞件同肥腸都好入味，好香，值得推介！❤️自選小食2款今次揀咗麻辣牛肚絲同酥炸雞軟骨。麻辣牛肚絲都幾夠辣，如果食唔到辣嘅朋友要注意啦！ 酥炸雞軟骨嘅份量都好多，有少少辣粉喺表面做調味，夠晒熱辣辣同埋好脆卜卜，好食！ ❤️自選串燒6串 揀咗牛肉串、雞肉串、燒韭菜、豬腩肉、牛舌2串。最推介係牛舌，平時我哋出去食串燒都好鍾意食牛舌，呢度燒得好香，一啲都唔韌！另外都好推介豬腩肉，油香味好重，肥肉嘅皮燒完真係好香好好食！燃燒韭菜都好好食，一串嘅份量都夠晒兩個人嘅食。牛肉村同雞肉串同平時出面食嘅差唔多。❤️竹蔗水1渣 兩個人飲真係好夠，味道清甜，仲會見到蘿蔔同馬蹄好足料！飲品夠晒凍，食雞煲真係好岩飲啲清熱嘅飲品～📍 4號烤吧 (西環)西環卑路乍街116-122號聯康新樓