影片
更多
2009-09-26
8 浏览
睇完下面有位食家既食評，令我有慕名而來食吉列豬排既衝動！卒之同膠友人黎到呢間好易搵既港式扒房。響旺角東火車站行過黎唔駛幾分鐘，好方便呀。 餐牌上有好多選擇，我當然食傳聞中好似塊面咁大既吉列豬扒，而膠友人就叫左黑椒雞排。原來吉列豬排有兩個選擇，一個叫「吉列豬排」，一個叫「法式吉列豬扒」，分別在於「吉列豬排」配沙律醬而「法式吉列豬排」係跟一種酸汁的。 先送上兩個提子餐包同白湯，餐包好熱，伴上牛油無不好吃之理！白湯夠濃味夠creamy，味道都不錯，不過為左留肚所以剩係飲左幾啖就收工了。主角上場，黑椒雞排果然係有三大塊的，但黑椒汁同雞排都竟然冇乜味道，唯一可取之處係雞排唔算肥，不值得推介。不過另一主角：吉列豬排，就令到我同膠友人食唔停口。兩大塊吉列豬排真係有如塊面咁大，外層十分鬆化，內裡肉質柔軟juicy，伴上大量沙律醬，係我食過咁多吉豬入面最好味既。另外一讚既係奉送的沙律醬一大兜，毫不吝嗇，可怕既係我竟然食晒第一兜沙律醬，要再問佢拎，明明同佢講要「少少沙律醬」，佢再俾一大兜我，真係肥死喇今次。不過肥得有價值，因為真係好好味，本身食到好飽既膠友人都要食，而我明明飽到傻，都唔捨得唔食佢，
餐牌上有好多選擇，我當然食傳聞中好似塊面咁大既吉列豬扒，而膠友人就叫左黑椒雞排。原來吉列豬排有兩個選擇，一個叫「吉列豬排」，一個叫「法式吉列豬扒」，分別在於「吉列豬排」配沙律醬而「法式吉列豬排」係跟一種酸汁的。
先送上兩個提子餐包同白湯，餐包好熱，伴上牛油無不好吃之理！白湯夠濃味夠creamy，味道都不錯，不過為左留肚所以剩係飲左幾啖就收工了。主角上場，黑椒雞排果然係有三大塊的，但黑椒汁同雞排都竟然冇乜味道，唯一可取之處係雞排唔算肥，不值得推介。不過另一主角：吉列豬排，就令到我同膠友人食唔停口。兩大塊吉列豬排真係有如塊面咁大，外層十分鬆化，內裡肉質柔軟juicy，伴上大量沙律醬，係我食過咁多吉豬入面最好味既。另外一讚既係奉送的沙律醬一大兜，毫不吝嗇，可怕既係我竟然食晒第一兜沙律醬，要再問佢拎，明明同佢講要「少少沙律醬」，佢再俾一大兜我，真係肥死喇今次。不過肥得有價值，因為真係好好味，本身食到好飽既膠友人都要食，而我明明飽到傻，都唔捨得唔食佢，仲要係咁自我陶醉地說「好好味呀」>v<
另外，跟餐仲有兩杯凍檸茶，夾埋都係$64一人。服務態度良好，另外環境較嘈，人多加上電視聲量大，不過鍾意電視汁撈飯既朋友應該會幾鍾意呢度，哈。
膠友人，下次再同你食好野，快Ｄ忘記不快，繼續為大笑而大笑！
张贴
