花椒子 (已結業)

一直都好想嚟呢間餐廳 ，係主打太空風格嘅酸菜魚打邊爐，點三方面有兩種形式一種係任食一種係單點，今次我哋叫咗二人套餐，質素非常好我哋揀咗人蔘雞同酸菜魚湯底，好正呀！雞肉好嫩滑，蔘味道唔會太濃，湯底亦都唔會太鹹。酸菜魚湯底有酸酸甜甜嘅味道，魚肉亦都好新鮮。手切牛小排200克，肉質好細嫩，煮好之後唔會太硬，肉汁都流出嚟，好好味！三式手工丸，手工墨魚丸有啲彈牙嘅口感，梅菜豚肉丸啲味道好香，手工鮮蝦丸有啲蝦味，好鮮美！海鮮拼盤真係豐富，有九孔鮑魚，海蝦，花魷魚，帆立貝，廣島蠔，珊瑚蛙同翡翠螺。啲海鮮都好新鮮，煮咗出嚟之後都唔會太硬，味道都好鮮美。稻庭烏冬同紅薯粉蔬菜什錦拼盤，好豐富，蔬菜都好新鮮，煮咗之後味道都好甜。總括而言，呢度既食物真係好好味，啲口感同味道都好正，令人回味無窮！