大勝丼

晏晝已經book定位，去到遲咗其實真係兩三分鐘，門口阿姐(年紀較大）已經黑晒面話我哋遲到。
入到去餐廳其實得兩個樓面，其中一個後生啲反而好好態度，雖然佢已經好忙但係都會盡力幫手。

1

第一次嚟都係試吓啲人氣嘢 大勝丼
啲魚生好新鮮同肥美 個鰻魚本身睇落好似唔多吸引但係食落反而先有驚喜一次過試晒咁多刺身都冇跌眼鏡

慢煮牛流心蛋飯 嚟到個樣都真係好吸引 牛嘅份量絕對交足功課

不過兩個飯都有相同嘅問題 就係啲飯太多，蛋汁好容易分薄晒 而我食魚生飯都食剩左一半嘅飯
價錢亦都合理 希望服務態度可以改善下啦