角落咖啡廳 (已易手) 新餐厅

做左成個禮拜嘢，放假嘅時候梗係要去放鬆吓，比自己個腦同埋身體休息吓先得喇！夜晚約咗朋友去飲嘢，下晝就梗係去飲杯咖啡，食件蛋糕🍰<<角落>> 餐廳有一個大大嘅打卡位，而且仲有一個好大嘅玻璃窗位，可以坐喺度嘆住咖啡望吓街景！都可以話係非常舒適好relax嘅地方！叫咗一杯Rose Latte$39⭐️呢杯Latte好滑！而且呢個奶香味好重，再加埋有淡淡的玫瑰香味，成杯咖啡感覺好清新好Fresh!!另外仲叫咗一件富士蘋果生芝士蛋糕$48⭐️呢個芝士蛋糕一啲都唔會好甜，但係依然可以保持到好濃郁嘅芝士味，再加埋呢個富士蘋果嘅少少酸味，令到成個蛋糕甜而不膩🤤喺呢度食嘢嘆吓咖啡嘅感覺真係好正！完全可以有一種放假好放鬆嘅感覺❤️❤️