重慶劉一手火鍋店 (旺角商業大廈) (已結業)

同朋友行完朗豪坊，去咗附近嘅一間打邊爐，都OK，夠新鮮。有得揀鴛鴦鍋或者全鍋。我同個friend揀咗椰子雞鍋同埋豬骨鍋，椰子雞鍋裏面都有唔少雞肉，一開始個味唔係咁濃，但煲煲下就非常入味，最後都飲咗一碗湯。我哋叫咗唔同嘅嘢食，譬如係牛頸脊，鮮蝦，賴尿牛丸，仲有其他。牛頸脊都好有味，望落色水已經唔差。鮮蝦就非常新鮮，因為仲食郁， 食落去咁當然係非常之滑啦，唔會霉。賴尿牛丸仲屈機，建議大家真係唔好一野咬落去，就算係，都等凍左先，因為真係會爆炸。總結：嘢食新鮮，座位非常闊落，應該係預你兩個人都可以擺到好多嘢食。