餐廳環境舒適，裝修別緻，落完餐後好快就上菜。
我哋叫左無骨酸辣鳳爪，呢款小食份量夠，鳳爪爽口，配上芹菜、洋蔥、蘿蔔絲一齊食，酸辣開胃。
上湯灼田園蔬用左牛骨熬製上湯灼，每啖菜都食到牛嘅上湯味，健康得黎又好味。
街頭香葉卷撈檬用左香葉包住碎豬肉，香葉卷炸得甘香鬆化，配埋清爽撈檬一齊食，好夾。
軟殼蟹米紙卷好足料，外層係軟軟嘅米紙，內層係香口吧軟殼蟹，口感豐富。
另外叫左兩杯飲品：牛油果沙冰清新解渴，每啖都飲到清香牛油果味，沙冰又整得好綿滑。
凍越南滴漏咖啡飲落偏甜，但又保留左咖啡香味，有越南風味。
總括而言，餐廳坐得舒服同性價比高，得閒可以再黎食。
