影片
更多
2022-06-25
56 浏览
之前係instagram見到宣傳呢間餐廳， 已經覺得好靚好夢幻，check左價錢竟然一啲都唔貴，即刻bookmark左要黎， 最後同朋友約咗星期六嘅下午三點鐘，黎食佢既high tea。一出lift已經見到花牆， 一入餐廳瞬間少女心爆發， 餐廳比想像中細， 但真係每一個角落都係打卡位， 有鳥籠，有粉紅花海牆，綠草牆，有汽球佈置， 令人眼花繚亂， 心花怒放。我哋叫咗個花花英式下午茶Tea set， 平日$398，假日$438， 必須提早預訂。下午茶有三層， 每人共九款點心， 第一層係甜點， 其餘兩層都係鹹點。 店員好貼心， 下午茶一上台， 就好細心向我哋介紹架上嘅每一款點心， 平時好多時食下午茶無介紹，最後都唔知食咗啲咩，今次店員一一介紹，仲講解左配附既兩種醬汁，分別係邊一款點心要用。三層架嘅第一層係甜點，共有四款， 包括兩件馬卡龍，一件小撻， 一件小蛋糕。 我其實唔特別鍾意食甜品，好驚會太甜， 好彩呢個tea set嘅甜點數量唔多，而且店員有介紹話佢地餐廳既甜品本身已經盡量少糖，真係極體貼 😍食完四件都完全唔覺得甜同膩， 連平時好容易中伏嘅馬卡龍，都唔會太甜， 朱古力醬有少少流心，令我
一出lift已經見到花牆， 一入餐廳瞬間少女心爆發， 餐廳比想像中細， 但真係每一個角落都係打卡位， 有鳥籠，有粉紅花海牆，綠草牆，有汽球佈置， 令人眼花繚亂， 心花怒放。
我哋叫咗個花花英式下午茶Tea set， 平日$398，假日$438， 必須提早預訂。
下午茶有三層， 每人共九款點心， 第一層係甜點， 其餘兩層都係鹹點。 店員好貼心， 下午茶一上台， 就好細心向我哋介紹架上嘅每一款點心， 平時好多時食下午茶無介紹，最後都唔知食咗啲咩，今次店員一一介紹，仲講解左配附既兩種醬汁，分別係邊一款點心要用。
三層架嘅第一層係甜點，共有四款， 包括兩件馬卡龍，一件小撻， 一件小蛋糕。 我其實唔特別鍾意食甜品，好驚會太甜， 好彩呢個tea set嘅甜點數量唔多，而且店員有介紹話佢地餐廳既甜品本身已經盡量少糖，真係極體貼 😍
食完四件都完全唔覺得甜同膩， 連平時好容易中伏嘅馬卡龍，都唔會太甜， 朱古力醬有少少流心，令我第一次覺得馬卡龍係好食嘅。
三層架嘅中層有三款鹹點， 分別係菠菜酥，黑松露蟹肉撻 (唔太肯定係咪， 店員講完轉頭我就唔記得咗) ，以及越式米紙卷。
菠菜酥同蟹肉撻都好好味， 而且感覺好健康，唔會好有罪惡感，米紙卷好精緻，入面包住類似芋絲既材料，佢配有一個橙色既醬汁， 雖然好似點完都冇咩味，但本身呢件點心就好清新， 健康得黎味道唔錯。
三層架嘅底層係兩款鹹點， 分別係煙三文魚多士及英式鬆餅， 煙三文魚上面仲有櫻花，好靚好精緻， 煙三文魚都算大塊，多士又好脆口，唔會太淋又痴牙。 英式鬆餅配有紅莓醬， 酸酸甜甜幾開胃。
兩杯熊仔飲品都係呢間店嘅人氣之選，真係令人少女心爆棚，可愛得有啲犯規， 一於叫曬兩杯。
藍色嘅係小熊菠蘿荔枝奶昔， 粉紅色嘅係小熊粒粒草莓牛奶， 原本以為呢啲飲品只係用嚟打卡， 會好睇唔好飲，但兩杯我飲過都覺得幾好味，味道同飲品名相符， 係你想像中嘅味道。重點係，實在太扺飲， 當你飲完一大半，小熊冰塊溶化後，你又會重新獲得一杯滿滿既飯品， 好似一杯變咗兩杯咁。
店員話做過測試，小熊冰塊要30分鍾先會完全溶化，大家可以慢慢打卡。
因為係慶祝生日， 甜品當然走唔甩， 佢有三款甜品可以寫名， 分別係招牌粉紅甜心心， 抹茶紅豆蓉岩石山，以及朱古力溶岩石山。 其實靚就應該係招牌粉紅靚啲嘅，但我地揀左 抹茶紅豆蓉岩石山，覺得會好食啲。
一上碟有啲驚訝， 比想像中大份， 而且未免太流心了吧，未打完卡啲綠茶醬已經湧哂出黎，綠茶醬係唔甜的， 所以佢仲配有一球雪糕， 搭配住一齊食。食完真係好飽好飽， 美中不足係個多士有啲韌，如果脆啲會更好。
間餐廳嘅每一個角落，任何野都好打卡abke，連飲水既杯都已經好靚。
PS 間餐廳仲提供咗好多道具比客人打卡， 包括頭飾，皇冠，公仔，氣球，及花等等，全部可以借黎打卡， 體貼到極點
PS2 見到有其他食評介紹， 話呢間餐廳會聘用聽障人士做甜品，如果屬實，就更加要多多支持， 有良心有社會責任嘅餐廳真係好少，好值得尊敬
Ps3 店員嘅服務態度都超級好， 明明已經好忙踢曬腳， 仲會好主動幫客人影相，影到你滿意為止， 服務態度真係120分
张贴
