吃扒 (已結業)

我真係好耐都冇食過咁難食嘅嘢，呢排亦都發現好多食評都係打手，識到啲咁難食嘅嘢，我真係忍唔住要馬上發文。經過旺角見到呢間餐廳，門口好似幾得意，餐牌亦都有 Keto 食物，想食個椰菜花飯，所以入咗去。叫咗個三文魚椰菜花飯，椰菜花飯我食得多，而係呢個濕到好似粥咁，唔知道以為食緊粥。椰菜花飯亦都有一種味，好惡頂。我未食過咁難食嘅椰菜花飯。當然唔會食得晒。跟住叫杯餐飲咖啡，嘩！茶餐廳都不如。好似唔知乜嘢溝水咁，我飲咗一口要馬上吐返落隻杯度，好難飲好難飲，仲要預先加埋糖。我真係好多年冇食過咁難食嘅嘢，只係希望大家真係多啲分辨心分辨吓寫手嘅評論可信性。我真係好多年都冇食過咁難食嘅餐廳，食完唔夠一個鐘馬上要發文。