彌敦左岸

营业中

休息中

我哋四個人嚟到呢間餐廳，有朋友介紹話氣氛唔錯幾好食。我哋每人叫咗一杯野飲，除咗啤酒之外，cocktail mocktail都極難飲，一係好那喉好苦，一係就涼茶味咁。叫左個大蝦捲捲粉 $188，味道唔錯，大蝦亦都唔會霉或者唔新鮮，粉都彈牙唔會overcook。黑松露帶子risotto $298，成碟飯冇乜味，帶子亦煎得唔香口，呢碟飯極度普通，亦食唔出有黑松露嘅味道，帶唔出黑松露香味。龍利柳risotto 好似$188，呢碟飯極度難食，魚又腥又臭又有泥味，個個食完都話極度難食，成碟地獄黑暗料理咁款。飯又無乜味，加左d絲瓜落碟飯到簡直係畫蛇添足，完全唔match。成啲飯個個食咗一兩啖就冇食放咗喺度，真係放唔入口。埋單$1600 四個人，性價比奇低，因為野飲野食質素都好差，唯一可以講係9點後有live band氣氛ok，但9點前未有live band成間餐廳得個嘈字，要好大聲先聽到大家講乜。